فكدتك ضلع لضلوعي خيامات
اوعلي جلجل حزن روحي خيامات
بعد مسترجي من عندك خيامات
الي والنار توكد روح اليه
من همك اعدول الكلب تنشال
اوعسه ايد التضدك يوم تنشال
سهله اسنين عمري اوياك تنشال
المهم انه اشوفك كل مسيه
صفه ملكاك الي مشفه عياده
اوعذابك ليش شمسوي عياده
كتر الوكت ما ريدن عياده
العيد ابدون اخو تمثال اليه
اعيونك لو ابجيهه لها راي
منهه احذر لون تسكت لهاراي
اكولن راي ماينفع لهاراي
ابعذابك خاف ينطق عله ليه
ذبيح ابسيف رمشينك فهالك
اوكلمن نظر لعيونك فهالك
هول الموت اشوالي فهالك
جهنم تحتيي اوتنعاد بيه
موضوع: ثريات / ابوذيات 
الأحد يوليو 26, 2009 2:23 am