ابوذيات راسيه

ياهو اللي اجه يمك وزارك

لجل عينك حمل همك وزارك

اخيطك ورد اشكنك وزارك

بلكي اتكول اخوي اوحن عليه




ييزي ادموع تتشاكف ولدك

ابوك انت الحزن صاير ولدك

اذا صار الوكت ظالم ولدك

النفس حبسه اوتهاون للرديه





حصاد اوضاع من ايدي منجلي

شريد اوفي اكطعت بيده منجلي

ستر الله على الوادم منجلي

تحط اطيور شؤمي بين ايديه





اطيع الظيم بالكوه وصالح

اوصحيح الكال اكو منكر وصالح

اليحبك كون من يسمع وصالح

البعد منه علاج اوهاي هيه





باشط سيف من عينه يبط بط

واذا يجبل هله صاحو يبط بط

لون لحظه عن الموعد يبط بط

يظل بعضي يهدم بعض اليه