وفائك دوم الي واجب وفيلاك
اوكسر بالروح ياصاحب وفيلاك
حاضر والكلب واسع وفيلاك
ابشراييني اومكان اقرب اليه
يحكلي اكتب على اجفوفي شعرلك
وحبك بس الك ابقه شعرلك
الكلب باب اوبقه امشرع شعرلك
ملكته انت فلا غيرك اليه
وي ربعي ابي لازيد ونكص
اوصحني ما فرغ فد يوم ونكص
هلس جنحي مكص الظيم ونكص
اوكسر بان اعله كسري شلون بيه
انه ادري ابفحو رايك محنك
الليالي ابظيم ما تكدر محنك
اذا دمعك لعد جفك محنك
صبغ هندام عيني اوظل بديه
موضوع: ابوذيات / كناطر 
الإثنين يوليو 27, 2009 3:29 am