اخوي الماعدلني مرعداني
اوجنت مرعه بجفوفه مرعداني
خل البيه دمع وبجيه
اظل باليه روحي انطيه
احس ابسيف غدره مرعداني
وصل كلبي اوتطشر بالثنيه
سفني ابياكتر وكتي شلاهه
شمت من شاف وجلابه شلاهه
كضت دنياي ياصاحب شلاهه
بعد وتريد انكر ضلع اليه
اجروحي طاوعت صاحب شداهه
غفله اولا درت شامت شداهه
همومي الوكت ياسامع شداهه
جورهن وخذ نيشان بيه
(ابدي التجلد للعدوان وان درى
بتململي فقد اشتفى عدواني )
صبر عندي العدوي خله بيه
ودري البي ينطر خله بيه
امل يضحك دنالي خله بيه
اتجلد خاف يدري اشماعليه
( ضعفاء النفوس لا يحترمون الا من يحتقرهم )
الوكت بالشين لاتقبل طبعله
انهره اوزوم ياصاحب طبعله
ضعيف النفس ما بدل طبعله
هينه يصير بيدك شوشليه
( موتى ولكنهم احياء )
الدنيه اوي الجهل خنياب مايت
تنبذه اوحيد بين الناس مايت
الفخر حي اوهو من اسنين مايت
تلهج بي كل هاي الدنيه
( المايدني زبيله محد يعبيله )
الرجل راهي صبر عالظيم ماجال
ولا فد يوم حجي الزاط ماجال
اليظل ابحال غيره ابد ماجال
زبيله اوظل يعبيله الرديه
موضوع: مشاوير /ابوذيات 
الإثنين يوليو 27, 2009 7:31 am