حظي ائتمن صاحب ماتمني
وكتي اوشاف حزني ماتمني
انطيت العدو فرصه ماتمني
رجع دمعة فشل تفصال اليه
اشمالكيت وكتك ماتلينه
على المكتوب غفله ماتلينه
لو تحصي اشكثر وادم ماتلينه
عشر تضعاف هسه اعله الوطيه
ابظيمي دوم اعد انه تعدله
اوحملي ثكل كوم الحك تعدله
اخاف ايام من عمرك تعدله
يكطع وانهه ابكل كتر هيه
الدنيه اشماتعاديني لهانه
ابعدو وفراك خلاني لهانه
طبع فخر الزلم يرجع لهانه
بنو ساف العزم خلوه بديه
احس ضلعي ابغيابه شلمني
امس والعين فصهه شلمني
الوكت شيريد ناصب شلمني
يسوي من النفس مرجوحه اليه
الشامت من عبر يمك وشلاك
بعد شتريد من عندي وشلاك
عمرت انه شل الخوه وشلاك
طاحت من نظر شامت اليه
الرجل لو راد رايه منغيره
بعد هيهات تطلب منغيره
اشتظن يتعب كلامي منغيره
يظل راهي اعله كل السان اليه
جفك راح ياصاحب من الراح
اوفدوه الراح ياخويه منراح
اهوايه الحاسبه كلبك منراح
تبدت ماي وبوسط الوطيه
الصبر لازم يصير انوب حدبي
اخذ كلبي الدهر ونياب حدبي
انه اشماكوم ارجي الكاع حدبي
الكبر بين وخذ مني الوصيه
ييزي اوجوز من لعبك لهاحد
اومحد من بعد خلك لهاحد
الدنيه اشماتلد بالهم لهاحد
نزر صير اوي خصمك للمنيه
موضوع: ابوذيات دافئة 
الأربعاء يوليو 22, 2009 10:38 pm