توجه اوسيف البنحرك صفالك
حاسبني ابوكت بردك صفالك
ادفيك اوترد الروح اليه
النهار ابغير حلك ماصفالك
ابركبتي اديون الك ياصاح ذميت
ولا اذكر ابد فد يوم ذميت
اظل اندب ولا ارتاح ذميت
لما يخلي الحك اليه
التوينه اوي المصايب ما لوينه
ادور اعليه مبعد مالوينه
الجمع ماله اوتنومس مالوينه
انكسر والموت راهي اعله المنيه
جدم وكتي على الشينه خطالي
اوعلى كلبي جرح طولي خطالي
اذا يبدر بعد ليكم خطالي
عساني بالعمه اومامني جيه
جانت ضاويه ابيتي خصلي
خله الظيم لفعالي خصلي
خص الوكت مايرهم خصلي
لان خصي تراب اوماتهيه
اجدامي عالغضه غصبن ودني
اوكتلني الظيم من بعدك ودني
اجمع باليجي خيرن ودني
تالي انكلب شر الخير اليه
تمهل كتله ما انطه مهلي
اوهلي الماعدلو عوجه مهلي
ثلث تنعام من صاحب مهلي
فرشلي العين وتحمل اذيه
اونن بالجرالي اوحيل منهم
حسبت الهم عليه ابقوط منهم
ضلعي انكسر ياخلان منهم
طحت مكطوع تبرالي المنيه
حطني الهم على العجره بيادي
اويحكلي اسكن بعد شخصك بيادي
الظيم اللاحك اتكلي بيادي
ثلث تالاف ايد اللف عليه
اشجنيت اوجرح منك عالياني
عجب واطي اصيرن عالياني
يكلبك نار ثاكب عالياني
جهبت ابنار يصعد للثريه
موضوع: ابوذيات بين النخيل 
الثلاثاء يوليو 21, 2009 11:20 pm