الوكت شد الحزم زومه عليه بـــــــــــدر
وبوجهي ظلمه صبح زاح الاريده بــــــدر
وسد خليلي الثرى يابو محاسن بــــدر
ياريتني ماشفت يابو الكلايف احـــــــــد
دهري وزماني حدو سيفين بيهن احـــد
عشت انه عمري كدر والجاي بسود احد
لكن شكل للذي يكبر ويصبح بــــــــــــدر
---------------------------------------------
كلبي من البواجي اعليك شكل سكر
انه ابعذابك شري لذة مرارك سكــــــر
ظنيت منك صحو ماتجي ابحالة سكــر
جنت ابحلاتك شعر لمــــــواددي درس
حالي روه ابجيتك لبي ابحضورك درس
ياماكلامك نبع للداعي شــــال ودرس
ومضيف لليعتني مايوم بابك سكــــــر
-----------------------------------------
موضوع: زهيريات البدر 
السبت يونيو 18, 2011 10:57 am