ياصاح وكتي طفح وحساب الي عدلي
ولاجني انه الجنت مني والي عدلي
يادنيه كافي زعل امشي ابنصح عدلي
تدرين بللي جره نار الولف شبها
روحي عليه تنسحن مدري سبب شبها
كبرت وماكو ضوه مني الشعر شبها
ظليت ادك عالمضه صارت الي عدلي
-------------------------------------------
تدريني اضمك جذب دمعي عليكم جره
وعتابي من بعدكم كله عذابي جره
الوكت ناصب الي بشباج عمدن جره
كلبي يسولف الي لاتكرب من الاهل
لدغات حيه جرت بين اليريد الاهل
لو صار حيهم نجم همه يريدو الاهل
ورجع وصيرن اهل يكولون زينك جره
---------------------------------------
يلي طبعكم زهه والكل طبع شملان
الطيب عدكم صفه يهل الكرم شملان
وضيوفكم سولفت صدر الحجي شملان
نخوه وكرم يعتني ومضيفكم وسعان
الضاع منه الدرب الكم يخي وسعان
الطلب يوم الرده بنيرانكم وسعان
وبظهر واحد جمع هاي الخلك شملان
------------------------------------------
اشتاك تدري الك تاخذني الف صفنه
محد كدر ياترف يخربط بعد صفنه
اعله الشواطي نهب نكضي ابضحك صفنه
كلبي وفراكك غفه لحظه والك ويعن
يوم ويبزني الجرح وجهك الي ويعن
ماكو وفه ابهلوكت طايح ومحد يعن
دنياي دوم ابمطر ما انطت الصفنه
--------------------------------------
موضوع: زهيريات مواويل 
الجمعة يونيو 17, 2011 11:40 pm