عبرت الشط عمد كله منصه
اويظل عالي الشعر عدنه منصه
دخلت انه اوشفت يمك منصه
منتجي اعليهه اوتصيح حيل اليه
كلبي من دمع عيني وردلك
اوهمك سافر اواسس وردلك
ذبل من شوف شماتك وردلك
تطشر من غصب فوك الوطيه
ابتعدنه اوسوم وكتي شرشرانه
عصرنه اوفوك حزنه شرشرانه
توسلته اوزجرني شرشرانه
طحت فنك تفرغص هاي اديه
جنت نايم وحس جاني طفلي
ونخه النار يمدلل طفلي
صبحت كربله ابيتي طفلي
اومرني شبه يوم الغاضريه
مرفج دوم همي اوياي ليجار
دمغني اوفر عليه النار ليجار
كمت انه ادور كلب ليجار
يساعدني ابمصابي العم عليه
الدهر كطع انفاسي وشني
اوعليه سربت اجيوشه وشني
ابسكاه انوب خض بيه وشني
عصرني ابكره خضر شيب اليه
روح اومن نبع صافي منهلك
ودري اتموت ياصاحب منهلك
ثلث تنعام دوم الهج منهلك
لان بيك ازرعو لب الخويه
جرح فركاك ظل ينزف توده
جنت غافل حسبت انه توده
اذا عندك وصل ليه توده
لان عن المصاب الردته بيه
مر مظلم برد يخوان فصلي
اول فص ملح شو ذاب فصلي
دنيه اوخام بيدج صرت فصلي
انتي اشماتفصلين اكدار اليه
موضوع: ابوذيات / مياسر 
الأربعاء يوليو 22, 2009 11:01 pm