كلبي ابروض هجرانك سبحلك
تعنه ينحر الجالي سبحلك
يلن طولك يناغيني سبحلك
جزاهم كسر اخشوم الرديه
غفله الكلب من صدري ونسلك
ابجفك صار لعابه ونسلك
الك سبحان من سوه ونسلك
الجدم للراس كلك اريحيه
يمشي اولا يهم بالهم جمنه
اوتعدن بالغلط غفله جمنه
ذنبنه الصوج ندري جمنه
اونصر اعله الغلط ونسوي ديه
تلف ابشرنقة روحي منعذار
ولا صوج الفرس يصهل منعذار
تحذر لو خلص صبري منعذار
العذر لله الصبر مفتاح اليه
جنت خايف من الدنيه ولقدار
اوقوه لابقت عندي ولقدار
كلامي بوش عد ربعي ولقدار
صحيص اوبالغلط يرجع عليه
الي حصه ابعتب روحي ولعذار
بتاتا لا غلط عندي ولعذار
المهره تكطع الرشمه ولعذار
اصيله اوماتريد الحبل هيه
تمرني اطباع بوجودك وحالات
همت والروح توميلك وحالات
ابعزمهه اتشيل كل ظيمك وحالات
كل ظيم اليمرهه اعله الوطيه
وكتك حيل يردس بيك ورضاك
اوزعلت السمه ابممشاك ورضاك
جنت خادم اريد الشور ورضاك
عاشرتك غلط سوده عليه
يروحي ابمبرد الصحبه وشوري
غشيمه اوايه عد ربج وشوري
جنت منباع كل قصدي وشوري
تالي انباع وسفه ارخص وجيه
صديجي لا نظر حالي ولا هم
اوخلك عندي عليه اصبر ولاهم
اكو فد شي بظنوني ولاهم
يحبني الرب هدايه اعله البريه
موضوع: تغريد البلابل / ابوذيه 
الثلاثاء يوليو 21, 2009 11:41 pm