غيم الفرح

غيم الفـــرح

اهـم كلبي وسـولف بيك
ما مش طيــف يهديـني
شفت نجمه ابســماك اتلــوح
من فركـاك تطويـني
عمر كامل كضيــته اوياك
اسنينك عجنن اسنينــي
رحت هاوي ودخلت الشــوك
او بيه الاه  تدرينـي
غسلت المسـتحه ابكل صوب
مره اغسل عــذاب الروح
او مرات العذاب يبيس ابطينـي
لمت كل الصداكه ابغيض
اوزعلت القوافي اللي تبجيني
تبت ماريد من هذا العـــذاب ادروب
اله مره يمرني ابصيف
لو رايد يشـتيني
اذب غيم الفرح صايود
بلكي اشباج كلبي
اتصيد وجهك
من تغطينـي
لاهيت المصايب
بس انا اوتفكـير
على الفاكد حلاته
اومبعد ابزينــي
زهبت الليالي
اوكمت امشي اصفوف
ياصف الاطلعه
يطوش من زيني
امنت الحزن
ما امـنيت الراي
غفيت اوفززاني
الحـزن جاسيني
 واهم كلبي
وســولف بيك
مامش طيف
يهــديني
شفت نجمه
ابسـماك اتلوح
من فركاك
تطـويني