بيت الفرح

-عندما نودع عاما ونستقبل عاما اخر -

أمس ودعنه
سنه من سنين
واحنه اليوم
وي الحزن فرحانين
وبنينه اعله الحزن
افراح يابو افراح
بيت من الفرح
برواحنه البانين
وباجر يختلف
مونفسه هذا اليوم
بس لا سامح الله
اثنين مختلفين
آنه اوياج
روح ابروح
متساوين
نفس الطبع
متعودين
نفس الدين
نفس المستحه
الموجود آنه اوياج
نفس الرمش
والخدين
نفس العيـن
مشينه اعله الرموش
عيون زعلانات
بس ما يقبل رمشنه
زحمة المـاشين
الألف يسبك الف
تليكته وصحت بسمه
أشمالك ياألف تاريخ
بايك كحلة القسمه
أشعلينه اشمدرينه
كلي اشبيك
ما تقبل عليك
ازوادة القسمه
تعال وياي
ودفه وياي يامعسول
حتى اغتاض منك
وخطف البـــسمه
وكلبك يلعشر مرات
ما تكفيك
يظل وصلك حزن
متوسط الحزمه
بعد ما فردن
سنه وسنتين
حتى ارتاح
حتى اعرف
مرام اسـنينك
الزحمه
بعد ما عاشرت
جفينك وكـول ارتاح
ولا شفت الجفوف
اشبيهه من رحمه