الطائرالعنقاء
هذا الطائر الخرافي
الاسطوري
الذي يمتد عمره
لالاف السنين
عندما يحترق
يولد من رماده
طائر جديد
هكذا هو العراق **
فانوس الدم
بين الكاع
وجفوف السمه
اعيون الموت
حزنانــه
لاغمض جفنهه
اولاتريد النوم
لان عدهه الدموع
اليوم زعلانه
شدت عالبواجي
اوخضرلهه
اجناح
طارت
بين نجمه اونجمه
انسانه
تلكتهه النجوم
اتصفك ابلا حيل
لاصوت اليهزهه
اتكول تعبانه
اعيون الموت
سالت يانجوم
اشبيج
غلكتي السمه
اوحزنتي بيبانه
كالت والحسين
الدم صعد للراس
لان اليوم
دم البينه بجانـــه
علمنه المعلم
للوطن ابواب
ياباب الندخله
ينحسب صفه
علمنه الوطن
مو بالخريطه
يكوم
علمنه الوطن
سهران ما يغـفه
يتاريخ الكرامه
اشويه ارجع ميل
هز طرف العراقي
اولا تهزجتـفه
لان منهم علينه
كلنه خلهه الريح
ماتكدر وجهنه
اوماينه اتـنـشـفـه
لحد الان ياتشرين
بيك اصوات
تنادي اوسوريه
بفعالنه اتوصفه
اولحدالان اشتم
ريحتك كهوه
اورفيف الدم
على اجفوفي
مـــحــد يكـدر
يـنـشفه
اولحد الان
دمشـق
امكحله ابارود
طك الفشــــك
ماتغفه
اولحد الان
من اتمـر
على السوري
يدنك يستحي
اويفرشلك الشطفه
الك هذا العراق
الصـا ح
صاح ابصوت
وبلهفـــــه
الك مرعد اثيابه
وصاح ياوسفه
العمام
الما تشيـل الراس
تهــيــل الخابط
اوتصفـــه
مو كافي
زعلنه اتشكبن
اعله الروس
طك عين اليمين
اولازم انكطفه
حسبنه اخوان
دم البينه بيكم دار
من صارت ارضكم
للعدو سعفه
شكلنه الوريد
اومن ارض بغداد
دكـات الكلب
هلوكفن نزفه
مو رد الجميل
يريد عشر اضعاف
بزيتو اعله جرحه
اوعينكم صلفه
يلبعتو الضمير
ابسوك
ارخص سوك
ساومتو اعله دمنه
اوضاعت العرفه
اجيتوابلاضمير
اولابسين الخوف
من وجهه الجبان
المستحه شطفه
مودم العراقي
الطــــاح بالجولان
ماساعه الكعد
خلصهه بالوكفــــه
ولاشيله اعربيه
الطاحت اعله الكاع
ما كالت عراقي
يشيلهه ابعرفـــه
ما يكفيك هذا
اوكلبك اتنظفـــــه
ما يكفيـك محتليــن
جاي ابظيم
فوك الظيم
تتشفــــه
ولك كافي ذبح
خلينه نحجي اوياك
يمحلل ذبحنه
امكفرالعفـــه
ولك حتى الفرات
اتهدل الصوبيــن
يريد اسمه ابزعل
من عدكم يحذفــه
زعل ماي الفرات
الروج يلطم روج
لان راسه الخليج
اوبطنه منخسفــــه
بس صدره عمار
اواسع اعله الغيـض
كض روحه سماه
ونامت الرجفــــه
ظل واكف
يكول احسين
ها ويــاي
كل سهم اليجيني
واكف يشكفــــــه
لان هاي المذابح
والجثث عنــــــوان
على شاطي الفرات
تصير مو كلفـــه
لان يوم انذبح عباس
صعدت ــــور
بجه يمه الفرات
اواخذ من عطفـــــه
موضوع: فانوس الدم 
الثلاثاء يوليو 07, 2009 5:09 am