عندما يحتد القدر وتتناثر الاشلاء وتحزن العيون
وتستهدف المقدسات تثير العاصفة دواخلي وابدا
بالبكاء وانتهي بالبكاء = الى وطني
----------------------------------------------------
( نزيف الدم )
من عين القلق ابچـــيلك ولايات
بالعهه الحزن تمثال من شــلته
على الظيم اللبس دشداشه ما تنراف
ومبينه العـــيوب البيه فاضحــتــــــــــه
من كثر الـــذبح سچــينه بيه اتبيــــــــچ
والسفان صافن خلسته السكتـــــــــــه
المطر ينزل مــ طر يندار وجه الگــــــــــاع
ويبدل الثوب ذاک الگبل لابستــــــــــــــــه
اوهاي اسنين مرن والوطـن مثلــــــــــــوم
يابخت الحـــكومه انصيح ثالمتــــــــــــــــــه
وانت يابشر مگلوب گلي اشبيــــــــــــــــــك
جبت الموت بيدك وانه بسمرتــــــــــــــــــــه
نزيف الدم عبر نهر الدمع مجــــــــــــــــــروح
يتوچه اعله روحــه الغيره ماخذتــــــــــــــــــه
گال النه الوطن موبيه بس نهريـــــــــــــــــــن
اجروحي اعله الخريطه الوطـن صابغتــــــــــــه
حط چفه العراق اشكبره چف الخيـــــــــــــــــر
طلع جوعــان ابنه الغرب ماكلتـــــــــــــــــــــــــه
تسلّمنه الحرب لـعابه بيد اطفـــــــــــــــــــــــــال
كبرت وي عمرنه الـــفرح بايگتــــــــــــــــــــــــــــه
مثل عمر الدجاج اعمارنه من انمــــــــــــــــــــوت
اذا مو بالذبح بچـــفوف خانگتــــــــــــــــــــــــــــــه
خلصنه اوظل علينه العيد بس يفــــــــــــــــــــــوت
يحزن من يمـــرنه البچيه حاصرتـــــــــــــــــــــــــــه
اذكر ياوطــــن من چان ابوي ايگــــــــــــــــــــــــول
ذاكرتي من امس للـيوم حافظتـــــــــــــــــــــــــــــه
الوطن عصّابة امك يبني خاف اتطيــــــــــــــــــــــــــح
مد روحك جسوروجاوزالصنتـــــــــــــــــــــــــــــــــــه
الجبل باقي ابمــكانه ما تغير يــــــــــــــــــــــــــــــــوم
ماتلگه ابكل مکان الگاع شايلتـــــــــــــــــــــــــــــــه
اثبت لا تهزك فشــخة المصـــــــــــــــــــــــــــــــــدوم
يوجر بيك بأول تالي فاشختــــــــــــــــــــــــــــــــــــــه
اوفتش عيون گلبک من يمرهه الليـــــــــــــــــــــــــــل
اعيونك من تصومه الصــبح فاطرتـــــــــــــــــــــــــــــــــه
خلص گلبي بعد ما يحمل التشطيــــــــــــــــــــــــــــــب
جرح وحلوگ صبره ابشوگ شاربتـــــــــــــــــــــــــــــــه
اظن باچرعكس مو نفس هذا اليــــــــــــــــــــــــــــــوم
واصبح للخلگ بحلوگهم نكتـــــــــــــــــــــــــــــــــــــــــه
-------------------------------------------------------------
موضوع: نزيف الدم 
الثلاثاء يوليو 07, 2009 5:02 am