عليك الكلب مارف يوم ماسال
اودمعي من بيابي العين ماسال
سيلك من تهده جرح ماسال
وصل حد العظم ويكول اليه
كافي ارجوك ما ييزي ولكباد
اكلوب الذابت ابهجلرك ولكباد
من هم العلي حيلي ولكباد
كل وصله ابجسم خلاهه اذيه
مد جفك عطش للروح سجوه
اومن تروه الليالي اتنام سجوه
لونك نهر مدلي اوياك سجوه
حتى اروه وشكرك عالعطيه
ازامط حيل بالخوه وراهن
اوصديجي اشمابدر منه وراهن
العذول اشماحجه صدك وراهن
الاهانه والمدح عدهه سويه
انفطت انت اونكال الزين حلماك
اويلن فاز اعله كل السان حلماك
تسالني الحال هو اشلون حلماك
صفه حالي الحزن اوامي الاذيه
بسمهه تلهج ايامي هيامي
اهي اختي اودنهه هيامي
هيام الماخذه ابروحي هيامي
ترفرف كل صباح اوكل مسيه
الحزن حنير على افادي وسامر
اوبعد ويامن اتلاطف وسامر
العمر نشكه ابطرف خشمي وسامر
نشكه انكلب كله اوصار اذيه
اخبرك صفت دنيانه مصالح
اوصديجي اللي يضحكني مصالح
اوعلي الشرجي اذا ازعل مصالح
اطلك صحبتي اوالغي الخويه
خبره اوبالتجارب حيل داراك
اسف هذا الزمان اشلون داراك
نسيتك بس تهز العين داراك
امرهه والضلوع اتنوح اليه
خذيت العمر مصمت خردلنه
الليالي ابليل هجرك خردلنه
انكلب ليه هواكم خردلنه
اجالع بالنفس صبح اومسيه
موضوع: فخاتي / ابوذيات 
الأحد يوليو 26, 2009 1:30 am