مساجله بين الشاعر الراحل نعيم الخباز
والشاعر سالم الحمداني 1989
نعيم الخباز
من الاهوه انفطم كلبي لحيماي
وانه الجنت بطباعي لحيماي
يسالم عم على اعيوني لحيماي
عميت انه اوتكود الناس بيه
سالم الحمداني
وحك من سايرك للدين لحماك
انه ادري يعم اعليك لحماك
اذا ينكر عظم فد يوم لحماك
اظن كلبي يتبره من الخويه
نعيم الحباز
تجي للرجل حمته من لحمته
ايتبره السده ما ظن من لحمته
ابني بايسكله من لحمته
صرت بومه اوتخاف الشمس هيه
سالم الحمداني
نعيم انخاك عندي الحيم تلحم
اعيونك من شراره صفن تلحم
ابهمه اوعزم جفك حيل تلحم
خذك واهس نسيت اشبي اذيه
نعيم الخباز
عبره ادروس كثره ماخذاني
الدهر كليبي سالم ماخذاني
ابلحيمي ابد واهس ما خذاني
ردات البخت شرهه بان بيه
موضوع: مساجلة / ابوذيات 
الأربعاء يوليو 29, 2009 1:18 pm