همي اشما ازيحه علي عظماي
نحيف من الهدم هالبان عدماي
سراب الحزن لو عطشان عظماي
يصك اسنون وي اسنون اليه
تطفي نار الهم لشيبي
ردتك ذخر ياخويه لشيبي
عمرك مو الك وحدك لشيبي
اطلبك بالحليب اوبالخويه
ريجي يابس اوماكو لعبي
اخذ كلبي ابوسط حومه لعبي
كلت همي لجل عينه لعبي
وفر دولاب وكتي اشماتهيه
تطحن ما تجل بعداك يرحاك
اوعد عينك صحيبك دوم يرحاك
اكطر دمعي الك ويطيب يرحاك
وشيلن كل الم يندار بيه
اجباه الطاوعت ياصاح بشن
حملن كل رده المسموم بشن
يخففنه اليريد الصوج بشن
يخض بينه اونروب اشماتهيه
ادور عالوفي ياصاح ماصح
اوكلبي من غضاهم حيل ماصح
اصيح ابصوت كلي اشبيك ماصح
ولا هو التفت وتانه اليه
تدنيت الصديج اوصاح تمشي
عكارب وي خيالي اتلوج تمشي
اليه من الشعر ما شوف تمشي
غير الهم تدله اوزل عليه
كلبي لا تظن يهده بحرك
وانه اشته اصيرلك بحرك
اذا انت بحر يغرك بحرك
بحر روجي يغركلك ثنيه
الك هم البكلبي اندار غربال
تطوه اوذب عليك انوب غربال
صرت مجبور يوم الزمت غربال
تكابلني اوتصفي الصار بيه
اريد احجي اشما ابدلالي ودونه
عليمن تسبكه ربعه ودونه
حاكم جان برياضي ودونه
ما يحكم عدل ونصاف اليه
موضوع: ضفاف الابوذيه 
الخميس يوليو 23, 2009 6:36 am