الدهر للموت لسهامه ويهنه
اخذ وصخام صخمنه ويهنه
لذيذ اتصير ايامه ويهنه
المات ارتاح بس انه الاذيه
يمته الوكت ينصفلي شتالي
وشتل ما ثمر مره شتالي
مني العكل ياصاحب شتالي
يظل الله الهدايه اوهاي هيه
الله انطه العكل للراد ويهاب
وابد يخشه اليضد اوياه ويهاب
ابنادم من حلاته السات ويهاب
كلامه اوزان يثبت للمنيه
ثلث تنعام من اصلك ونسبك
وجه يضحك احسنك ونسبك
انت اشما بعد جدمك ونسبك
اتابع كل اثر خطيته اليه
كل نكلة جدم ياصاح يهلان
تلكيته ودموع العين يهلان
اعتصمت اوصحت ياحياك يهلان
حضنته اوشفت بيك الناصريه
كلبي ابجيتك ياصاح خطار
شيصير اوتضيف البيت خطار
ابريح اومن ارض ذي قار خطار
نبهني ابقدوم اهل الحميه
اابد تفرق هذيج اوهاي من هاي
شبه ساري اصبحت ياناس منهاي
يكلي الضكتك ياصاح منهاي
لون دنياك اطويهه بديه
كلامه نحر بضلوعي وذاني
اوفوك من السمع وذح وذاني
يلاهي الصوج من عنده وذاني
حجيته اوياك غش استاف بيه
حملي اوياك ظل مطروح يسره
والك كلبي سفينة نوح يسره
يمنه لا تظن اتنوش يسره
فكهن هالوكت زنجل بديه
موضوع: امطار الجنوب / ابوذيات 
الخميس يوليو 23, 2009 2:58 am