ابنار افراكم يسمر وجـــــــــــينه
انجمعنه ابشوك وي ذاتك وجينه
حبل طبعك يونسني وجـــــــينه
وراثه اومشتبك بالناصــــــــــريه
ابكلبي افراكم يهدم ولــــــكراد
ترك مليت عشرتهم ولكــــــراد
ياصاح الجدم صوب اهله ولكراد
تيقن كل اصيل يرد لـــــــــــبيه
ادور عالذي يدور وســـــــــــــيلاي
وعلي امدوهنه ادموعي وسيلاي
روحي اصبحت جن نخله وسيلاي
طعنهه والدفاع اصبح اذيـــــــــــــه
خرز مطشوش جدامي وحسبك
اوكلبي ماخطر منك وحســــبك
يراودني الزعل وجهك وحسبك
وركب من زفيري اجــــدام اليه
اظل عالي ابرجه حبك وصـــرحاك
اوعلى ظيمك تصارحني وصرحاك
عليمن تيهت دمعك وصرحــــــاك
اذا دمعك شــــــــهد ضدك عليه
حفظت الشوك من زغري وبتلاه
اوكلبي امعلك ابحبهم وبتــــلاه
جنت اول ضعن حادي وبتــــلاه
علي دار الوكـــــــت دارو عليه
عليمن ورطت روحي وراحاك
اوياهو الحزمك للحب وراحاك
راحي من دموعي دم وراحاك
يحنيهه العـــــذاب المر عليه
الدهر مكدر يطاولنه نشنه
وابد لتظن لبن رايب نشنه
طحنه ابير ويمينك نشـــنه
نكثنه اوخلــصانه من الاذيه
كتاب انت قلم وكتك نشر بيك
عتب وبكاس هجرانك نشربيك
جنت انت الحبل دايم نشربيك
تكطعه اوتعتني اوتنصب عزيه
كلت دربي طويل اوصحت وياك
وانه ادري زمــــــــــانك نار وياك
احذر من حجي الشمات وياك
تمازح من صدك وي الخــــويه
---------------------------------
موضوع: ظلال الابوذية 
الأحد يوليو 19, 2009 11:45 pm