كصيـــبة روحــي
وادعت شمس الغروب البارحــــه
وجدمي ناكل كل حلاته وي الدمع
روجه ظليت الولي او ي الهـــــوه
ياليل مراني اضويله الشـــــــــمع
انت تدري انه احسك لب عوافــي
يللي صوتك لحن يشلعني شــلع
يا نوه اوظل على المامش ضــــوه
اولا حجي الفزز مجامين الضلـــــع
كون جدامي صلف مثل الوشـــــل
وانت يا وشلة هواك من الدمــــــع
كلت بلكي ايجوز اتجاوز عـــــليهم
واللسان الماخطا يمشي دلــــــع
يا كصيبة روحي من اتجل حمامــه
حيل سحكوهه ولا بدل الطــــــبع
اوياطبعهم مثل طبعي اوبعد اكــثر
الما يصيح احاه من يطفي الشمع
يللي ظليت اعله حالك مــســـتـحي
اتغطي وجهك خاف يتواره النــــفع
او ياحمامة دوح لو نزلت تـــــــــــون
دمعه تحبسهه ورمشهه اليرتفـــ ـع
وياحسنهم من يشب يحجي الحقيقه
يحضن ارموشي او يغنيله الدمــــــــع
والكمر يركص وسط ماي النـــــحبهم
اشكد تمنعه لوردت ما يمـــــــــــــتنع
هذا حالك يلتريد الشوك ســـــــــلعه
لو مال اويصح بي الك درب الــــطـمع
ورد اكلك فكر اوكوم اعله حيلــــــــك
هو واحد حكم ربك بالشـــــــــــــــرع
والشكه الغير باطل والله باطــــــــــل
والاخذ حكه اعله ذاته اشكدســـــبع
حتى لو طاح اعله وجـــــــــــــــــــهه
اتكوم وتعينه الربــــــــــــــــــــــــــــع
------------------------------------
موضوع: كصيبة روحي 
الخميس يونيو 25, 2009 2:13 am