اجــتاف ظـــل
انت الهوه
وانت الضوه
اومــــــــامش ضوه
بيتت بيك
المستحه
اشــواك اوهوه
اتخيلت
هلهوله عمري
او مــــا طوه
مديت الك
جفي اعله طوله
او مــاروه
جنت اظن
صدرك وسيع
اومايـــمل
انه ادري
اشـــبيك
من لوعه اودوه
انه ادري
اشماتخلبص بيك
يرجــــعلك دوه
ادري ادري
اهـــــــواي
لو ردت انه
اعدهن
جان ســـــــالوفه
يزتني وزتنهــــــن
جلمه
حفظتني الدفاتر
وانت خـــــــــطهن
الياسبب
هذا العذاب
المر عليه
الـياسبب
مو جنت
غــربيل اغربل
ما اجــــــــــــــــــن
مو جــــنت
موزر على اجـــتافك
ارن
مو جنت
والياجنت اظل
الياجــــــــــــــــنت
بللي مارابط
مهرتك ضيعت
حتى الرســــن
فوت جدامك
جثيره العبرت
اعله اجتاف ظل
مو غريبه
الضاع
هم يلــــكاله خل
او مو غريبه
الشاف نور
يشـــــــــــــوف ليل
او مو غريبه
المـــايزل
مره يزل
يس غريبه
المايجور
كل صــفاته
يعكد المره
اوعلى الحلوه
يفل
هسه تسالني
اشو مليت
مني الماتمـل
لا مــا امــل
روحي مشدوده
الخيالك تنســحل
انه ابقه اوياك
ضــــحكه
اوي الدمع
ادري ادري
اشكد صلف
ما تنحـمل
مجنون المايحس
بالصار بيه
او ما يهـــــم
واللسان
اشماحجه
ايقوي العــــــزم
انه ماشي
اوي الظنون
الما طلــــــــــــني
امودع الله
اوخل اظلن
بس اســـــــم
-----------------------------------------
موضوع: اجتاف ظل 
الخميس يوليو 16, 2009 5:13 am