نذر مذبوح

نذر مذبوح
زندي اعله زندك يانذر مذبوح
ابد فد يوم ما فك الحزن كبره
وعبر للدرب وجدامي بيه اتغوص
لجل اعيون وجهك تنبت ابصدره
احس كاعك اجدام ومحطة ريح
طوت ليل المحاجي وصامت العشـــــــــره
يتاريخ الكوارث وين فجـــــــــــــــــــــــرك وين
ترس اجفوف ايدك تملي من صـــــــــــــــبره
سرجت اعله الشمس من دون داعي اوخوف
شربت الفرح كله ولا بكت كطره
اوتنام اعيون كل هاي الحــــياة
ظل كاعد بجينه ايفزز النايــــــم
نسل عمق الحقيقه ابيوت هاي النــــــــاس
ركن حيله ابظلام وظل شــــــــــــــبح كايم
ظل جرحه جبير ايراوف الجرحــــــــــــــين
هز ايده نهرلـــلنايبه اودايـــــــــــــــــــــــم
يهلنايم
يهلنايم
فصل تاج عمرك من كلب هايم
حط ايدك ابكصتي اوفوت ليجدام
ورضع من سمه السابع لا تظل صايم

الصخر ترجملي عمره
والشمس صارت غريبه
والبواجي شلون ما تمضي اعله باجر
هي هي او مو عجيبه
موعدي ما كعد غبشه
او ما ندهني اعله المصيبه
ضاكت اويصغر حجمهه
اشماتعلي الشمس ما تصبح جريبه
الموت ما يثمر حــــــــــــــــــــــــياة
والجوع ما يثمر خــــــــــــــــــــــــــبز
بس عجــيبه
الكاع تولـــد
بعد مده اتصيح هــــــــــــــــــدوني غريبه

عالطريق انصيح فرحانين ماهمنه الدمــع
والشفايف وي نبض كلبك تنام اوتنسمـع
والحــروف الضـــــــــاويه صارت ظـــــــلام
والظـــــــــلام ابلا ضوه ما ينـــــــــــــــبلع
يلشتـــــــــــــلت الحزن شجره من صـنوبر
حضن كاعه وابد ما ينشــــــــــــــــــــــلع
خذني طير ابوادي عرســــــــــــــــــــــك
خذني ضحـــــــــــــــــــــــــكه من شمع
انه اشوفك طيف وي مــــــــوسم ربيعي
بس عجـــــيبه
اوي الســــــــــــعاده اثنينكم ما جن ربع
----------------------------------------