دوكان اوتاده دجلة والفرات
والقفص الصدري لهما دوكان
( كردستان )
---------------
فرك جفه
الفجر حزنان
وعيون العراق
سيوف مسلوله
غابت
كل نجوم الليل
عن الليل
لان دم العراق
السابح ابطوله
خوتدرون
بينه شلون
ما ننصاع
الامر
غير العراق
اوهاي مكيوله
تظل
عين العراق
اليمنه كردستان
جذب والله
ياهو الكالكم
حوله
محتاجه الكرامه
اوزوكاهه
الحيل
ابنية بيت
تبقه اوترفض
اللوله
تحزم بالجبل
لف راسه
بالنوماس
طوه الكاع
ابمشيته اولفهه
وي طوله
اذا نزلت دمعته
ابجبل من دوكان
ابشط العرب
روجه اتكوم
مشعوله
الوكت
حد الخناجر
خل يحدهه
اليوم
وعلى باب
المصايب
عفيه دكوله
الريح انياب
مدت والسموم
اتلوح
خل ياصوب
تمشي
اطيح مذلوله
احنه
اوي الثريه
نصير خد اوعين
لو تنحاس
عدنه الذمه
مشكوله
حاجوني
الضماير
صفت لعبة
سوك
مدجفه
الحرام
يصير مسؤوله
الحراميه
الزغار
اتريدهي اتعيش
على لكمة
خبز
بالسجن منقوله
واللص
الجبير
يبوك جف
الليل
ويصيح القلم
تاريخ سجلوله
---------------------------------
موضوع: كرد ستان 
الإثنين يوليو 13, 2009 6:44 am