( عين الزمان /شارع المتنبي)
عندسماعي
خبر اغتيال
شارع المتنبي
قررت ان اتيمم
برماد الكتب المحروقة
بنيران اللاوعي
لعدم وجود الايدي
الامينة للحفاظ
على خزانة
الثقافة العراقية
الى / روح الشارع
روح القضية
روح الحكومة
---------------------------------
ياوجه العراق
المستحي
من الناس
مد طوله
اعله طوله
يفرش ابروحه
يا الله وكبر
من شفت بلواك
جرح
ياكل ابجرحه
وتاكله اجروحه
احس عين القلم
حكمة سماء اتصير
لان
خلص دمعهه
وتشتهي النوحه
موشارع
لان
استهدفوك اليوم
لان زادك
لذيذ اوزايد
املوحه
-(ولامالىء الدنيه وشاغل انت الناس )
ولا لوحه
ويكلك احرك
اللوحه
لان بيك الوعي
التف وقلم من صار
رفع جف البناء
ورمم اسطوحه
اذن انطوك
طرمه الاذن
ماسمعوك
حتى اتصير الهم
خوش مرجوحه
يا جف الصبح
اغسل وجه بغداد
سدبيبان
حزنك
ليش مفتوحه
احنه شمايصير
انكول هذا ارهاب
ونخلي السبب
ياكل
سبب روحه
موكافي
ارتعش
وجه الصبح
زعلان
ذب ضيمه
اعله ضيمه
وروحه مذبوحه
الشوارع
وكفه اجت
تتقدم التاريخ
وكتبنه اعله الحروف
الكبل ممسوحه
وحلك القاهره
ماباس خد بيروت
لان عين الزمان
ابخجل مشبوحه
كبرنه اوياك
عين ابعين متحدين
شماتكبر
تجدد
سرك اتبوحه
ولامليت لحظه
واقره بيك الشوف
يوميه اشوفك
تنتج اطروحه
كلب عندك
عراقي
الكاع تتلكاك
سمه ابداعك
سماء ومحد
يلوحه
يا غلطة سياسه
ارماد فوك العين
يا ملة تعدد
مله مسموحه
لان هذا الوزير
ايصير ند وياي
اكتل الناس
عمدن وحرك
ابروحه
( اذا اتتك مذمتي من ناقص فهي الشهادة لي باني كامل) ابو الطيب
---------------------------------------------------------------------------
موضوع: عين الزمان / شارع المتنبي 
الأحد يوليو 12, 2009 10:31 pm