حاجاني الرمح

الرمح

السبت عطله                        
ويا وكت
  اليسوي السبت
عطله
فقره انعيش
جنه والسياسه
  ادروب
ندهت الصبح  
حاجاني جن زعلان
كتله ابياذنب
تلبس وجه مكلوب
ظليت اوي بعضي
 والبعض  وياي
ياخذني  اعله غفله
  وهذا ما محسوب
توضيت من القدم
حتى وصول  الراس
ودعيت الله الستر
والدعوه دنيا
  اغروب
اثاري  الكلب
واكف رمح عالباب
دمعة دم  يصير
من البجي  ويروب
حاجاني الرمح
مخنوك خنكة خوف
يطوه وي روحه
جن طفل مرعوب
كال انه الرمح
متعذب  ابدنياي
الى يوم القيامه
ايظل علي  مكتوب  
لان راس الحسين
الشلته فوك الراس
لحدالان راسي
من النحر مرطوب
القضيه العندي
معروفه وتريد احساب
لان حسين واحد
بالبشر  مضروب
لا يقبل قسمته
ولا يريد اضرار
بس باب السمه
وتنفتح   بيه البوب