روج الفرات

عندما تكون
الكلمات حبلى
تنفجر القوافي
وعندما تموت الجبال
تنتحر الوديان
هكذا قدر المبدعين
حملوا الشمس
على اكتافهم
وغنوا انـشودة
الخلــود

(مهداة للشاعر والاديب والاعلامي
الراحل شقيقي باسم عواد )

( روج الفرات )

اول يوم
مر بيه
وشتل حزنك
دمع فحطان
أفك
عين الصبح
رمده
تفّز الحضرتك
آذان
أسوي
الروح فركاعه
وسرفن
بلهموم أردان
تكوّم قاط
فوك القــاط
يضم حدره
المضن والجان
وذاك الجان
رمشه
من ألنده
يتانيك
وجفينه صبر
بيهن غنه
اوجدان
جف بيه
القلم
والجف الآخر
طيب
وهنه
اثنينهن
بعمالهن ميزان
يافرحه
وتكلي أفرح
وياضحكه
وتكلي أضحك
وأنه الفرحه
من نهد فركاه
ما زارت
وجه انسان
أمشي
اعله الرصيف
ارتاح
من تعبي
الرصيف انباك
هــم تعبـان
أطير
ابلا جنح
ماطير
أظلن
مستحي وخجلان
أمد رجلي
أعله طول
غطاي
أهيسنه صلب
ما لان
يا دوب ألنفس
نكّاد
ما خذني
أبسفر ما هان
أرجف
ما تكضني ألنار
مديون وأجه الديان
أمشي والدرب
يكلبني
حسبة ليل
وهموم الدماغ
اتكوم جف انسان
ياباء البواسم
تسكت انت شلون
والسكته
خذت من عندك
أقوى ألسان
شديت أعله روحك
للتواضع روح
رد نفس التواضع
كام دك اعلان
ناعور الأدب
يكلب ورق تاريخ
وناعورك دمع
للفقرة بي عنوان
o+ قصيدة
دم تواسيك
تتبرع أبدمهه
لو جنت حزنان
يميزان الذهب
اندهلي المسويك
جف باسم
بحر والعشره
هنه أغصان
هفن عالقوافي
وخضرلهه جناح
من صدر القصايد
فصللهه أعنان
يادمعه وتظل
محتاره حد الشوف
تبني وي الحزن
طوفان بالطوفان
خيعونه الفرات
الشابكك كل يوم
وخيوط الصبح
فصلهه الك تيجان
رغم الماي يلطم
روج وي الروج
بس ظل ابغبابك
ممحل وعطشان
دخلت انعاش طفك
والنفس مكطوع
رسم وجهك قصيده
والالم عنوان
أذان الناس تطرب
والموسيقه اشكال
وكتابك ظل حزين
الجان سلطان
هضمت الحيل كلمه
والقراءه ادور
اذن اصل الكتاب
اليوم خسران
كلبت عيون
نجم الليل فانوس
ادوّر عالحقيقه
بين الألوان
أسولف بالطيوف
ألبانيه اعشاش
اثاري الليل
فز اعليك حزنان
يكلي أعبر
صدى التاريخ
محبوس
دفن وعي الضمير
بثوب زعلان
تشلبه الأسئله
واصعبهن البي
مجلد ذكرياتك
بي ما غلطان
اذا النسيان نعمه
والأمل موجود
نظل نقره ابحياتك
ختى لو عميان