هزة اغصان

موضوع: هزة اغصان الجمعة يوليو 10, 2009 7:35 am

هزة اغصان
مهداة الى الشاعر
عريان السيد خلف
عند لقائنا في اربيل
خلال الخدمة العسكرية
سنة 1987

توالفنه اوعرفنه
الزين والشــين
اوكلهه اتصيح
يم عريان ماشـين
توذح بالبجي
حســـنه يعريان
اوخلطنه الدمعه
وي عذر المسافات
تعذرنه اونسـينه
الجان ما جان
وجانه الليل
وي امســامرك بات
طيف اتخيلك
مو هـزة اغصان
حلم وتونسك
تســيوره للجيات
اوعرفنه اطباع
بيك اولـذة السان
اولمسنه العشره
وي طيب الحجايات
تظل مرسوم
والينسـاك بذات
اويظل طبعك
يسـامر روحي والعين
اوكلهه اتصـيح
يم عريان ماشين

طفل وسمع شعر
يركص على الماي
انسبت روحي ابمحبته
اشلون ماراد
يوم اتبشرت
من جــاني مناي
التسولف بيه
موش ابعيد هـالغاد
فزع كلبي
يدور هــاي
من هاي
حضن واحة شـعر
مزهيه الاوراد
اوصار اليوم
نفــس اليوم ميلاد
شتل بذرة عشك
لون البســــــاتين
اوكلهه اتصيح
يم عـريان ماشين

سرب اطــيور
زفتهن على اجناح
ولن كاسر
يمر بيهن بلـطيار
يفركـهن نوايا
الراح والراح
الوكت خله الزلم
بالعيــشه تحتار
صفه صـوت اليغرد
صوت منباح
اوصفه الساكن ابصفي
اليوم مو جار
علسة صبر بالروح
ماظـني ارتاح
او نار افراكهم
تلهب بلـكتار
وحشم بالمـــــــشو
عني اوخلو دار
كصـو يوم ابعدو
يامزنة الوافين
اوكلهه اتصيح
يم عريان ماشــــــين

يعاب الله الوكت
خصه ابهلــيام
يفرك نايبات
الحـال بالحال
يمولح بالســهر
عين الردي اتنام
يشوط الهن مناحـه
اتصير بالبال
يصد يتفسرن
بجفــــــوفه السهام
ولا خاطر كسر
من كالــــــو انشال
اويكلبه انكسر
مو كســــــرة الجام
كسر الضلع
وصــواب جتال
يوكتي انلــــوم
بيك ابهاي موراضين
اوكلهه اتصيح
يم عــريان ماشين

تحيه الشجرة
المـلجوم مرات
خشوع اونحتشم
وي وكتك الفات
تحيه الكل كلب
ابيض اومفــتوح
اليحـــمل حسره
ينشرهه مسرات
اوسلام اعليك
من سـالم يعريان
يخليلك دمع
ويحزن الـطيات
اوسلام السوك
والغراف مجراه
يصب بوسات
يحملك سـلامات
يظل ذاك النيض
شــاخص للعناوين
اوكلهه اتصيح يم
عريان ماشـــــين