قطار الشوك

قطار الشوك
خل يمشي
قطار الشوك
خل يمشـــي
فلاحاجه
الدرب بيدك
تســـده
ولو عمرك
سنابل شوك بالروح
اوعطر روحـك
يفوح ريحة الورده
ريض بعدنه
اباول المعبار
لا تسرع
انطيني جرح
بس داخلي يضمده
استاهد طبع
بيك اريحي اوجذاب
كلي اشبدله
اوالف مشي المده
جنت كمره ابليالي
اشتاك ماغيب
وانه كلشي
اليصح منك
فلا ارده
عساك ابحوبة
الدمعات
وسهر ليلي
الكضيته
اوياك والمده
عساك ابحركة
الشوغات تجويك
عساك ابريح عاصف
لا جسم رده
اشتريد ادعي
اودواعي الليل ايات
وزفير احشــاي
ذوبني اوترك عده
بت كلبي ابوسط
نيران وتهده
اوجدحة لنيران
ما ترحـــــــم
تهده اوزيل
كل اجروح ما تلتم
ولا كل العلاج
يصير الك بلسم
ولا كل الضمير
ارتاح ما يهتـــم
ولا كل الكلب
ملجوم  ما يرحم
ولا كل كلب
ذاب وهدماه الهم
اسمعني تصنت زين
واتكــــــلم
تراني الذاكرة اتردني
بايام الصبا اتحـــــلم
ابد والله ما انـــــــدم
لاتهز كاروك
حـــــــــــبك
واليحب مرتاح
ما يهــــده
خل يمشي
قطار الشوك
فلا حاجه تلاكيه
ابزعــــل
ولاول محطه
اتامره وترده