ياغريب اذكر هلك

اصبر اصبر
والصـــبر
كلّش جريب
لا تخلّي الهم
عليك ايذب شرك
عيش ايامك
تره ايــــــام الغريب
ظّل حرز
مشــــدود
وبزند الفلك


احسب الباجر
ولا تشــــــــده فكر
اختار من حجيك
حجي كلّش لطيف
بالك اتحط
عينك
على الـــفاج وعبر
اتحزّم احزامـــــــين
وي وكتك عنيف
شوف دنيه
الجمعت
اشكال البشر
القـــــوي يتسلّط آفه
اعله الضعيف
خلّي نار الشـــــــامت
اتمّد اللهيب
ايموت من تسكت
على الصار ودرك
واليمـــــــــــرك صاير
وماظّن عجيب
الفرح لحظه يدّك
بابـــــــــــك وشك

كون صادق
وّيه خــــــــوانّك
صريح
لو حكمت
احكم عدل
حّي الضمير
صير وّي ربعك
مــرح
فوك الصحيح
عالغلط بالك
تــــــــــوافق لوتسير
أخذ حكمه
من بشر
هّش اوطريح
ولا تساوم
عالنزل
عـــدكّم عشير
صلف صير
اوّي الصلف
ونياب ذيب
كبل غدرك
صير راهي
وهّم حرك
والخـــــــــبيث
ايبيّن ابأول نصيب
يا غريب اتغربّت
اذكــــــــــر هلك
------------------------------------- [/color][/b][/color]