يراعي البيت

(العراق)

اجت ليك
الهوارف
تشكي الدروب
يراعي البيت
سامح طرّة
اذنوب
اجت وانت
التعرف
اصار ما صار
وظّل خير
اليحبّك
دوم مكتوب
النهر لوصود
وينشف
من الماي
اعتيادي اجروفه
تتفطّر فرد نوب
ومرّت ياعليك
اغيوم وغيوم
عكس رادت
تلّف الناس
مكلوب
رست
فوك الصعب
مكسورة اجناح
مثل طفرة حرامي
وطاح مصيوب
حكهّه مادرت
باليوكع اوكام
يزيلنّ الخخطر
ويبرد الكلوب
ويظّل
شبج المحبه
ابزوم منصوب
الكلمن
كفر بي
ومجايده ايريد
لون نسكت
على الباطل
يمّر زان
نموت وبينه
يحيى امثالث
العيد
وذا غنّت
بلابلنّه
الحزن طور
يطّك
عرج الشجاعه
وتنتفض ايد
لوّن تاريخنه
ايصرّخ
على الجاي
نهّز ارواحنه
والمرتجى ابعيد
واذا التور
انطفه
وضاعت تدابير
نشيل الحيل
فانوس
ابوسط بيد
يظّل جفنك
حبيبي ينام
مامون
يقظ ومجايده
ابشبجة صواييد
اذا عكس السفن
هبّت عنّه الريح
نزامّط موجهّم
ونجّرب البعيد
خلهه اشماتمر
بينه المراجيح
نهزهه وما تهزنه
ابليل ونهيد
وتهون اشماجزه
السفان ورتاح
الوكت بيد الزلم
شيصير مفتاح
حجينه
اشكد عرفنه
اشكال ورناك
وتيمضنّه ونسينه
الماضي والراح
ومدينه السلام
اجفوف خيرات
وطرحنه الموزر
وحلينه الوشاح
وتوهسنه الصدك
عالمارضو مات
وزرعنه الطيب
وي كسرات
الارماح
وصدك بيهم
 بينّو متفحّم الذات
وحقدهم
دم طفل
فوك المهد ساح
كلهه اشماتمر
الغانمه اسلاح
يظّل سورك
حبيبي
عالي ماطاح
وحياتين الهوارف
بانت انياب
ابنخله وجبل
ما مجهوله
الاسباب
ماهمنه الفزع
والحال معروف
همنّه الصوهد
اوسووه خنياب
همنّه الصافحينه
الينحسب جار
تآمر من عليك
وماجزه الباب
طبع عندك
حبيبي يصير
بركان
ايد اسيوف
حك والثانيه
اكتاب
من يمضي
يكص
اجتاف منشار
ومن يجرح
عدوّه ابد ماطاب
سواعد
من حديد
وزاهيه اكتار
نظّل نصبر
عليه اشودّه
وشجاب
والياخذ
درس
ميعاود اكبار
ولا يتبع هواه
اويزرع احراب
يظّل اسمك
حبيبي الاهله
معبار
وليل اظلم
ابوجه
افلول الارهاب
-------------------------------------