بصيص الصوت

بصيص الصـــوت
نزعنه ادمعوع حبنه اوعاكسينه الراي
من اول فصيلة دم توادعنـــــــــــــــــه
بس كلنه الجذر من ينكطع مامــــات
لا بد يوم ينهض من يفاركنــــــــــــــه
وانه وروحي جدم يسبك جدم تعبان
اوبعضهن ليل يسبك ليل يبلعـــــنه
واحد دمنه والطبع بيه اشــــــــكال
صدك مختلفين بس احنه ابتجاربنه
لو ردت الصدك اصعد درج دنيـــــــاك
مو وحده المصايب من تصادفنــــــه
هاي اسنين مرت والدرب مقفــــول
ولا مفتاح يرهم حتى افتحــــــــنه
ولاعين استحت من طاح ظل مطروح
ولا اجفوف الاجن بالغيره شالنـــــــه
ولا نسمع بصيص الصوت بي خيـــال
لان مهره غريبه الجابته اتعــــــــــنه
الحوافر زلزله اعله الكاع من اطـــيح
تبني اعله الضماير صورة الجـــــــنه
انطيت الصبر شهكه ابلهاة المــــوت
تطلع بس اردهه اتكاوه وتمنــــــــــه
كلت بلكت يفز من عينهم لو نـــــام
الضمير الحي ماي يصير بالمحـــــنه
يتناخه لون الريح تمشي اويــــــــــاه
روج يكوم يسحب روج يدنــــــــــــــــه
يمته اتكوم يلبالع وكتنه ما ترد الصوت
نار اتصير من تحجي او تبردنـــــــــــــه
---------------------------------------