عمري اليكضي
كلي اشصاير
متعذب دوم ابدنياي
نص لوعه العشته
ونص حاير
سامحتك مره ومــــــــرتين
ولاجني احجيلك عن حالي
نادمتك ردتك بــس تحجي
يمسلم كلبي العذالي
ماريدك ابعد عن دربي
والحوبه اتبين من ربي
هو الينهه وهو اليامر
كتلك وينك يامحـــــــــبوب
حتى من اطيوفك حارمني
لانظره اتذكــــــــــر مرتني
ولاجفّك مــــّره يسالمني
ارحم كلب الشايل حبك
وبين عيونك خلي ربك
افتح بابه وشوف اشصاير
-------------------------------------------------
انت التريد ابهاي
اتحرم علي اصباي
ملتهي كلبي بيك
وتخون وانه اوفيك
ما ادري انت اشبيك
خنت العهد وياي
درت وجهك سافريت
اذكر انت اشماحجيت
ما رهم دونك البيت
اظلم وخابت مناي
الحزن جبته وجيت
ظنك انه اتعلميت
ترجع العقلك يريت
انصير واحد فرد راي
-----------------------------------
لاتزعل
لو ماحبك ما جنت اسال
لو كلبي كلبك جنت اقبل
حب ابكيفك
وهوه ابكيفك
بالك يلورده لاتذبل
جيتك شايل بجفوفي
ورده من اغصان الروح
جيتك وشفافي ابلا بسمه
تاليهه اتحملني جروح
تدري احبك
كلبي كلبك
امر وطلب ودلل
اتصورتك ام اتدللني
من عيني اتنشف العبرات
اتصورتك لحظه اتكابلني
للشفه اترجع البسمات
ردتك طيف
غيمه ابصيف
تمطر بالحب وتكمل
لو تسمح احجي اتخليني
وتكلم ماظن عتاب
الحب ليره وما يشوه
ولا مره اذكر سد الباب
زغير ربيتك
خطار انه ابيتك
تكبر وتصير اجمل
موضوع: نصوص غنائية 
الأحد يونيو 19, 2011 8:08 am