عكرني الفكر برداني عقاري
مريض اولا نفع بيه عقاري
اجاني الفرج كلت اخذ عقاري
الفرج باع الفكر رداه اليه
كلبي من ونينك نحل ونقاض
اوعلى صدري تربع زين ونقاض
هشولني اوطحت ارباع ونقاض
تشظه كل كتر ما ظل اليه
ساعه اعاتب ابروحي سعفهه
مثل نخله اويبس بيهه سعفهه
كضتهه اصياح بس محد سعفهه
تشوطي اوتبتسم بس للخويه
حلك الظيم صاح ابصوت دم دم
نخرنه اولا كطع فد يوم دم دم
كضينه العمر كله اصياح دم دم
اوصبح دم البشر فاتح شهيه
اجالع بالنفس فد نوب ونحط
اوعلي اشراك دهري يلوف ونحط
انه موش ابحال ذاك انشال ونحط
انه ابحال النكر صفة الخويه
موضوع: غنه اولايه / ابوذيات 
الأحد يوليو 26, 2009 1:58 am