محطات/ ابوذيات

فرد وميه كلامــــــك صادقنه
جذر وي ماي صاير صادفنه
اجينه اكلـوب بيضه صادقنه
اخــــافن بالمسير اتعثر هيه

مرّه أرياكـي ما تحمل مرارك
وجبل مره قوي لجلك مرارك
مرّه ليـــــل اراك آنه مرارك
السمه والكــاع ينطبكن سويه

دمـــــع عيني نكرته ماليحايه
وريد اشرك ابــهمك ماليحايه
اذا باجر حجي يبدر ماليحايه
ضميرك يستبق يفصل قضيه

عونه الحـظه ابمحبوبه وشافه
يبوسه من جــبل خــده وشافه
الواشي لا رحــم عنده وشافه
وشه حتى الوشاة اوعم عليه

نحت امــي عليه ابشغف ونحاب
ابسبب كلبي يون اعليك ونحاب
جبير ابنظر هاي الناس ونحاب
لان طبـعي الوفه صاير سجيه

صرت جربه لجل عينه وسوكه
ودهدي بالكلب لجله وسوكه
ابو معيشي نسل دهله وسوكه
القوافي والشعر من ظهر ابيه

حزن الوكت كل ماجاه عظام
اوكلبه ما يطاوع يوم عظام
سله ابظهر اخوته الصار عظام
فضح سره اويدندن بالرديه

اجدام الماتجي ابهمك خفلهه
واسرار الجانت الخوتي خفلهه
تاكد زين من روحك خفلهه
مطامع بالهوه وتعم عليه

لوينه الوكت بالضد مالوانه
اوعليك اللي يحبنه مالوانه
الجمع مال الدنيه كله مالوانه
اخذ نيشان وصلة خام هيه

صديجك لو يلح وكتك لحالك
وابد لتظن نغر واحد لحالك
انت اشماتظن الصح لحالك
غلط يطلع لان نيتك رديه