روحي الوكت بفعاله ذبلهه
شاة اصبحت وتحضر ذبلهه
اغركت والماي صافاهه ذبلهه
حبلك كوم وحتاط المنيه
جدمي اشمابعد عنك ذهبلك
اوعليك اسجب دمع عيني ذهبلك
اخوك المالحك صدك ذهبلك
نفسه ماندم سهله المنيه
اخوك اتكوم من يجبل حيله
ابد لا اتزوم ودور حيله
ابنادم لو فكد مره حيله
زغر بعيون ربعه اوصار اذيه
الهم لو ما كدرته هدلينه
نصف اصدور لجله هدلينه
شوف اجعود وجهك هدلينه
صبح طركات يداعه الاذيه
جف الماطوه غزلي ولاحاك
اوسهم الماخطه كلبك ولاحاك
شوري اوياك لاباطل ولا حاك
مثل غركان اتشاكف بديه
الي سنتين متعذب وشاهار
اودوم امعلعل ابحبك وشاهار
سيفك الي ولمته وشاهار
الحدودي كلت لا توصل اليه
هلي الماحنو الصوتي ولكراب
وحشم بالمشو عني ولكراب
سيفي الفارك اللعنه ولكراب
بعد هيهات ينسل بالثنيه
نصيح الهم غدانه ونتعشنه
اونكله البيت عامر ونتعشنه
الوكت فرج علينه ونتعشنه
اوبجينه ابكثر ما شفنه خطيه
بعد ويامن اتسامر ولاطف
اوشعلهه النار بضلوعي ولاطف
ابيقظه ما شفت شخصه ولاطف
وحب كلمن يلج اسمه عليه
ابعظم همك جرعت المر منصبار
اوبعد ماكو كلب يحمل منصبار
الي ساعه اثور الهم منصبار
وخلي الكاع تشكي من الثريه
موضوع: اغاني الهور 
الخميس يوليو 23, 2009 2:26 am