فراتيات / ابوذيه

صديجك لــو تعنه ابضيج حيفي
وابد ما ضاع عد الزيـــن حيفي
ضمير الرجل لو ظل دوم حيفي
يضوي من الزعل جمــع الثريه

كلب عندي اعله دربك ليش ماتاه
كـــــــــــعد بالليل ذاكر بيه ماتاه
مراره بالحزن والنـــــــوح ماتاه
مصيبه وشاط فـــوك من الثريه

روايه كلبك القاســـــي يلفني
وخير البيك احـــــسنه يلفني
كاغد جام كــــل طيبك يلفني
نزع ثوب الحزن بجفوف اديه

التهينه ابغير همنــــــــــه مالهنه
وسهل فرهود يصــــــبح مالهنه
عجب تدري اعلــه باطل مالهنه
وتصيح الغوث اوف من الرزيه

اخذ روحي حطب يابس توجهه
فلا غيرك حــــــجاياتي توجهه
ملج المـــــوت ناطرهه توجهه
لعد روحي بدل روحـك طريه

صعب قانون وكتي ماتلينه
لون اعزاز نــحسب ماتلينه
تلك ابزعل كـــــوه ماتلينه
صبح مرمر يرد القاط ميه


لبسنه الدمع بالشده حـــــــزنه
ترضه اسيوف عذالك حـــزنه
على راي الوكت رايك حزنه
ليالي من الــحزن تسكام اليه

عجــــب سيفك زلف عمده ذبحنه
الك حـــــــــك ابكتم سرك ذبحنه
ابفالك فــــــــــــوت يمدلل ذبحنه
صعاب اعـله الصعاب الهه ومنيه


اشرايد شتمني اليـــــــــوم مني
حصه انطي الهواي اواخذ مني
الي منه ابـــــهواك اوالك مني
اهن نفس الوزن بــجفوف اديه


عيوني طاردت بالــــــــــــهم وسنهه
اولها ابروحي غصب يلهب وسنهه
صرت مـــــجبور اكضنهه وسنهه
ابظهر كلمـــــــــن لفاه هم اواذيه