جذب من كال اكو رحمه ولنصاف
اوعليك ابراي تظلمني ولـــنصاف
ورانه احساب يم الله ولـــــنصاف
لسانك يشهد ابحـــــكمك عليه
الشره موش اعله ظل طوله لسنه
وابد هذا البدر يسمر لســـــــــــنه
اثاري امدرب ابزجري لـــــــــــسنه
يعاندني اويخلـــــــــــــي الصوج بيه
جفني لو صرت دمعه لســـــالك
اوحجايه الضد ابد يسمر لسالك
كلب عندي اباثر حبك لســالك
يدنج من يمر طيفك عــــــــليه
خويه الوكت دوم اوياك ماراح
خويه القهر ظل ماذيك ماراح
خويه الراح بيك الراح مـــاراح
يخويه اوشال لسعات المنيه
اجروحي طاوعت صاحب شداهه
غفله اولادرت شامت شــــــداهه
اهمومي الوكت ياسامع شداهه
جورهن وخذ نيشـــــــــــــان بيه
روحي عطف من شخصك شملهه
شرجي اوكام من كلبك شمــلهه
الي روحك يلن ونسه شمـــــلهه
بساتين اوتفيت ماي الـــــــــــــيه
عصرني الوكت بالهم شرشـراني
اوتسرفن غيض كلبي شرشراني
اذا ناوي اليحبني شرشــــــراني
ادنج من يمر ذجـــــــــــــره عليه
حجر محجال بيده شامراني
اوصدك عن اليضده شامراني
امر شامر اعليكم شامراني
كطره انه ابحر من دون سيه
تهده اولايزل جدمك بعدهـــــاي
الزلم تنضح يخي طيبه بعدهاي
التكبر من شعرنه ايله بعد هاي
ردم جالي الندم من دون سيه
تدنيت الصديج اوصاح تمشــــــي
عجارب وي خيالي اتلوج تمشي
اليه من الشعر ماشوف تمشي
غير الهم تدله اوزل علــــــــــــيه
موضوع: مانشيتات / ابوذيه 
الإثنين يوليو 20, 2009 11:37 pm