عجب كلبك نبض مابيه شلـــــــصار
بعضاي اومن سمعت الصار شلصار
على الهامش تبيع ارخيص شلصار
ولاجن اشتريتك نبض لـــــــــــــــيه
شمس ليه فجر ملكاك من طار
اومن هجرك دليلي يذوب منطار
تدري اصار جدمك يوم من طــار
على اديار الغرب وســــــوه بيه
اريد ابعد عن احبابي ومــــارد
الكلب لفراكهم يسحن ومارد
اساجي جنت بضعوني ومارد
تبرو بالعطش من مر علــــيه
بردك صلصل اعظامي وشاحاي
اومنك لايصح مندر وشاحــــاي
فرغ ديوان خواني وشاحــــاي
طفه الموكد بكت داري خليه
بحر صدري ابكثر همي كفاله
الحزن فرهود لفراحي كفــاله
كفيل النوحي مارايد كفالـــه
اليسر بعد العسر حد المنيه
على مودي صديجي كام وخلاف
اوبعد مامش بشر للطيب وخلاف
اذا انت ابنعيم اتعيش وخـــــلاف
اخوتك زوره وجباشه رديــــــــــه
من المديون من عدنه منـدان
اوعلي زالن محاجيك منــدان
يباعد شخصك اوطيفك مندان
يلبسني الفرح بس كون اليه
طبع بيه الحلو يزعل ويرضـــي
اوخله يدوس بضلوعي ويرضي
مثل طبع الجمه يطلع ويرضي
يبين من فطر وجه الوطــــيه
الحيمي لاجنح عنده وطعــمه
ارفرف كمت بجناحي وطعــمه
ترك ما طاع كل شوري وطعمه
يطيع الغير عمدن حـــركه اليه
صديجي لاتكلي اشلون حالاي
جنت محبوب بين الناس حالاي
طبك وجفل زماني اوياي حالاي
ثكل همي اوبانت الخــله عليه
موضوع: شواطىء / ابوذيه 
الإثنين يوليو 20, 2009 11:11 pm