بغيابك فكدت الشوف ورحــــاي
عاود مايهم الجاي ورحـــــــــاي
بدت تطحن رحاك ابحيل ورحاي
جلت ما تعرف الطحن هــــــيه
جلت من بعد فركاك يمـــــــــناي
الك منه الكلب ويعود يمنــــــــاي
انه اشماريد اجدم القسم يمناي
ارد وصفن وكولن بيه جـــــــــــيه
ارد اردود الومن بيك وعتـــــــــاب
وصيرن باب لليرضيك وعـــــــتاب
على طيبك صحيبك دوم وعتاب
يطلك كل صحيب من الـــــرديه
كلبي اتضعضع ابهمك ترى مــــال
اومو واشي ابعدك عني ترى مال
تعال الحك على حالي ترى مــال
جـــــــــــــدمي بالغضا وثنين اديه
جدمي ماعبر داري ولاســـــــــار
اورحيلك صار الي معصم ولاسار
اظن بينه ابد ما ظل ولاســـــــار
كتمنه اوماعرفت بيه الخـــــــويه
كتمنه السر بعد لاوين حداه
طريد الزين جدم الوكت حداه
سيف افراكنه ابياحال حداه
ابركبتي اويعزل الجثه العليه
ابركبتي اشمانزف شريان شالك
وشل دنياي لولا الوكت شـــالك
بعد شتريد مني ارجوك شـالك
تبعد والالـــــــــــــم صفك بديه
موضوع: حمامات / ابوذيه 
الإثنين يوليو 20, 2009 10:43 pm