مشاحيف
شط الكرم جدم مايهـــــــــمك
صلب وادري اليصيبك ما يهمك
الكصد دارك يشوفك مايهمــك
نهل من ذوق راعي الاريحــيه
احس نسمة هواي ادور شــــطراي
الشعر صار ابقوافي الشوك شطراي
اليشاطرني يشوف اشلون شطراي
اصوغ الشعر ورده اومزهـــــــــــــريه
الدهر شيريد ناصب شلمني
الساكن وسط كلبي شلمني
ابرحيله اعضاي كلهه شلمني
اجيت ازحوف مامش حيل بيه
تغير ليش كل جودك ولــطباع
اوحبك ثابت ابكلبي ولـــطباع
انه اشماهيم بفراكك ولطباع
يصيب العين شوك الناصــريه
نهر صدرك اريده يصير ثرثـــــــــار
اوما اقبل تصير اوياي ثرثـــــــــار
اشعجب كلبك علي ياصاح ثرثار
بركان اويزحزح كل ثــــــــــــــنيه
شنهو الغير اطباعك وجــــاهك
جنت عايش انه ابظلك وجاهك
يجي يوم الاشوفنك وجـــاهك
ونتعاتب عتب بسم الخـــــويه
حل جرح الوكت جرحك وحلك
يخويه اشلون كل اهلك وحالك
عساهه ابخت من وزك وحالك
ادري ابيض كلب يبن الحــميه
النذل كيف ربط فتنه وحاله
سريع ايدون المنكر وحــاله
حلاته من يذل نفسه وحاله
يخي قانون كل سافل اذيه
يجر بيه عكس كوه وجــــــربي
الوكت سوه الي عبره وجربي
تعال اوشوف كل حالي وجربي
تشوف النار من تكرب علـــــيه
همل دمعي ابجفاك انوب ونسال
يلمبعد وراك انشد ونســـــــــــال
ون اشكثر كلبي ابهاي ونســـال
عظم خاوي بكيت ابلا وعــــــــيه
موضوع: مشاحيف / ابوذية 
الإثنين يوليو 20, 2009 2:40 pm