فرق بين الثريا

فرق
بين ألثريه
ومعدن ألكاع
مثل
فرق ألشوارب
تركب الفزّه
وفرق مابين
موته ألموت
يتعنّاك
وفرق مابين
تتعناه وتهزّه
ألحسين أتعنّه
يدري ألموت
حتى ألموت
كام أوشارته
أتعزّه
بالعبّاس وألعبّاس
يومّن راح
شرب من الفرات
ورّد ذكر بزّه
ألحسين
الحسين ألدين
وألتاريـــخ
ختـم كلوبنه
يفرزّه
ألحسين ألدم
تماوج وألسمه
آيات
يلن بسمة محمّد
واضحه أبوجهه
لبس لون ألدمه
اودشداشة ألمحروم
وسيوف ألكــفر
بجفوفه من ردهه
خسر ظلمــك يزيد
وصار ظلمة ليل
ظلمه ولاكدر
واحـــــد يطبـــهه
وصبح دّم ألحســين
تكول شلالات
بشر ينده بشر
لفعاله ويعدهــــــــه
بسمّك ياحسين
أنداوي كل مجروح
وبحضرتّك
كل اهمومنه أنذبهه
أرتعش وجه ألصبح
من نايبات ألبيك
فصلهه أعله روحه
وطلع من كدهه
آنه من أمّر
أبحضــــرتك مهضوم
رموشي أتكوم
دمعه وتحفر ابخدهه
أذا ما شـــــيل
نور الله وازور حسين
أظّل فاكد حياتي
و مــا أوجدهه
لأن حيدر علي
ألكــــرار
داحي ألباب
وبسيفه ألكفر
كل ساعه رابدهه
لأن مهد ألشجاعه
وراية ألأسلام
من جّــف ألأبو
لحسين سلمهه