يا ابن العراق

عندما تقتحم مجسات الوعي
فضاءات الابداع حتما ستنتصر
--------------------------------
الوطن
هذا امتداده للضمير
والضمير
الماندم من ضحه
بالدم
لان جف الليل
من باكه النهار
رسم وجه الناس
للامه علم
فرق بين الظالم
اليضحك وراك
وفرق بين اليبجي
ويحشم القلم
اوهاي طن اسنين
وتحد السنون
امكشره وبركابنه
اتحط السهم
موكد اليبجي
وتهلهل بيه نار
واحنه صفنه
اتكول واحدنه صنم
وانت يا ابن العراق
اشبيك هــــــــا
ما تفرق بالعدم
والموعدم
جان كل البيك
شارع من ضواك
والعلامه البيك
لازم تحترم
جان كل ا لبيك
اكبر برلمان
صعد متن الريح
اول من قسم
اشبيك يا ابن العراق
اشبيك هـــــا
هم شبخت المستحه
اوبعت الذمم
انه ما كلك
خوذ وسلاح شيل
انه اكلك شيل
من وعي الامم
كل مكان يكوم
يتغير مكان
وكل زمان اليجي
يحتاج الهمم
يالله شدو الحيل
بشراع العقول
بحر طامي
اولازم انعبر البلم
هي قسمه اتصير
من تعب السنين
تعبتنه الحرب
ياهو اللي افتهم
عصر سرعه
الكون يتقدم امام
واحنه تونه
انحاول انثب القدم