هيمه بس صدى صوتي يردلي
وروحي تبتسم محـــــد يردلي
اخوي الصعد عالنخـــله يردلي
ييريده وكسّر اعجوسي واديه
----------------------------------
صدك جان اعله حط ايدك ترشّح
وحيله من اجه غــــــيرك ترشّح
بيد احزاب كل رقمـــــــك ترشّح
انضاف اعله الردي المابي حميه
-------------------------------------
كلامك دخل نص كلبي وحل بيه
بلسم صار لجروحي وحـــل بيه
شائك جان كل دربي وحــل بيه
ابكلامك صار ورده ومـــــــزهريه
-----------------------------------
عليك الله يطارش وصّخــــونه
الحراميه ابفعلهم وصخـــــونه
ترادّت جسمي ناحل وصخونه
جهنّم داخلي ومحتاط بيــــــه
------------------------------
حبل وصلي امدنّه ولاكــف
ولكط ماالعب وياكم ولاكـف
طرب لاهزني بغيابك ولاكف
-------------------------------
موضوع: ابوذيات متشابكة 
الجمعة يوليو 13, 2012 10:45 am