مساجلة/ ابوذيات

مساجلة جرت بين نعيم الخباز
وسالم الحمداني 1991 - الموصل

سالم الحمداني
شفت بالسوك ريم اشوسع عنهه
كالــــــــولي نصيحه ابتعد عنهه
مهره أمدربه ما ضــــاع عنهه
وكيحه والمــــــــلامح موصليه  
     نعيم الخباز
لون تدري الليـــالي علي شلعن
اباهه ولي ابتوت الكـــلب شلعن
العقل سالم ابلحظه انبيك شلعن
راس اونينـــــوى العمت عليه  
     سالم الحمداني
راسك عّم عليك ابــكثر فراك
وراحك من تمر مهضوم فراك
ابكثر ماشاف وكتك حيل فراك
ليام الصّـــــــــبا الجانت زهيّه
    نعيم الخباز
جّلت ياكلب ماتكّــــص شفراك
جفّو فرك الرحه شيفيد شفراك
من اعيوني يسالم صار شفراك
ابكثر صدّي لريام المــــوصليه
  سالم الحمداني
تكول اعيوني من اريـــــام يركان
جا كلبي ابنواهي الشوك يركان
استاهّد أصبّي عيني كبل يركان
عمن من شافّن الموصل زهيّـــه
     نعيم الخباز
يعّل جفني يوكت الشوم لاراك
ما عاف الكلب مـــرتاح لاراك
بي مــجنون كلبي صلب لاراك
من اخشوف ابلواحّظ سمهريّه
      سالم الحمداني
ابي ما اطّيع من تاليـــك يمراك
يهي كلبّك حمل لســـعات يمراك
اذا بحــــزان وكتّــك راد يمراك
تسرفّن صـــــــــــــبر للموزميه  
سالم الحمداني
ابنيابه الدهّر كضني ما هداني
اودرب الصّد مشيته ما هداني
ايدين الشابجتكّم مــــــا هداني
الدهر انوه اليسوي الصار بيّه
    نعيم الخباز
صحيح الوكت غثني مايهّدني
مثل طوفان بالبــــــر مايهدني
ذاك الجنت حالـــف مايهدني
خاف يصير بيه الصـــــــار بيه  
  سالم الحمداني
يمّل والحال بيـــــده منّهدنه
شوره التاف ابشّرك منهّدنه
طلب يوم انتّباصــر منهدنه
يباصرنه الحقيقه ابحسن نيّه
        نعيم الخباز
يسالم وكتي الـــي بالسكم شلّيل
يسالم بالجــــــــروح انخاك شلّيل
يسالم لا تناشـــــــــــد بعد شلّيل
يسالم ليلي هّـــــــــم محتاط بيه  
   سالم الحمداني
نعيم اوياك اخذني اوياك جسّيل
نعيم انه لعد اعــــــــداك جسّيل
نعيم الكلب ما فــــد يوم جسّيل
نعيم ابهاي كثره اشــــهود اليه






[/color]