انفتح باب الجرح ارجوك سكراي
اوعسل ريجي يصير اوياك سكراي
انطيني راي فكر زين سكراي
مثل سك النقود اريده اليه
ببعادك ما افكر زين ذكراي
اوكتاب الشوك ما فد يوم ذكراي
رايي اشما اطرحه يخيب ذكراي
الشماته اورايهه ايخرب عليه
حذر اوصيك سر الغير صرفه
اودور عاليلح ويريد صرفه
كلامك لوتطلعه ابيوم صرفه
المثالك لا تصرفه ابغير نيه
لون عقلك يصيب الغير صدفه
اوحوضك من تشوفه الغير صدفه
ابعلم كل الجره ما صار صدفه
دناءه من الخصم مو حسن نيه
هلهل كلبي للزينات مناي
ابتواضع ما يمن فد يوم مناي
لون اتريد شاهد كون مناي
هاك ارسوم وجهي ابين اديه
موضوع: ابوذيات كنطار 
الإثنين يوليو 27, 2009 3:06 am