شتلني اوري علي الماي نصري
اواكيد من الصبر مفتاح نصري
جنوبي والكلب مختوم نصري
هويتي الفن والشعر والناصريه
اشوف الحزن صاير راي يمراي
ولا زاد الاضوكه يصير يمراي
ابرحيله التهب كلبي اوصار يمراي
جهنم داخلي اومحتاط بيه
اشجنيت اوياك وانت اتريد لوعاي
اوتخير من كلامي ذهب لوعاي
خيرني سموم ارتاح لوعاي
سموم اوعي صفن طركاعه اليه
عيونك مافهن لحد فهلي
اوفدوه الناس يرحولك فهلي
الوفه العندك شوصفنه فهلي
كلب مرتاح ما مر اباذيه
عطش روحي يريد اهلي مردماي
اوشبيه الرعد احزاني مردماي
اخدودي صفن لدموعي مردماي
يبشن نار طاحن بيت اديه
موضوع: نواعير / ابوذيات 
الأحد يوليو 26, 2009 2:35 am