مراجيح / ابوذيات

ابصدري اهموم مضمومه منخلي

اوعيطه الوكت كل طبعه منخلي

ياهو الاجه ما رمم منخلي

جهنم والمناخ اسوه بيه




حبيبي فرح بعيوني ورفه

وحسه مكتبه الروحي ورفه

سواله فضل من عنده ورفه

على اكلوب المست هم اواذيه





جرب نار روحي منقلعته

ابسبب كلبي فحمته منقلعته

اخبرني اشلون سنك منقلعته

بعد يدي الم لو هاي هيه





البجي فصل علي ثوبه ولامي

يطشر دوم بفراحي ولامي

ضعيف اشما اشد جرحي ولامي

تيض وضلوع كلبي اتعم عليه





الشامت من بغض روحه صلاتك

وادري من صدك تبني صلاتك

يساوي الطيب عد الله صلاتك

ويشرع ابواب جناته الزهيه