ابلطف ناغه الجبل ورتاح سهله
اوطحت بجفاه كل اعضاي سهله
الفكد عكله ابسـكر ياصاح سهله
وانه ابكامل قواي اوعــم عليه
من حرصه اخوك ابقهر وصلاك
عليه اومن كطعت اليوم وصلاك
لون كلبه تطشر وصل وصلاك
انجمع بيهه مجــــــامين الخويه
اشكثر كلبي حـــــــــجاياتك نسفهه
صفت للطيب ومخـــــــاشر نسفهه
على الحاضر اجه الشامت نسفهه
لعب بطروكهه اودارت عـــــليه
ابتعد عـــني حبيبي ليش ونفر
شبر بالكاع مــــــاخليت ونفر
راسي من البواجي اندار ونفر
صبح عكس الطلب يندار بيه
اكسرك آنـــــه متعمد وجبرك
وعلى الزينه ارغبنك وجبرك
تهت ابلغز ارقامك وجــــبرك
عسر مره اويسر حــد المنيه
يداحي البــــــاب انخاكم لتسله
النوايــــــــب لا تخليهه لتسلـه
سيفك لـــــــو ردت مره لتسله
تخلي البر والبحر يمشن سويه
على روس المعالي الترف باني
اوشيب الهم صعد للراس باني
الك عهد المحبه الصــار باني
اوبينك احساب عد رب البريه
رك الشوف مــن عيني منحشاي
اوزفيري طلع ياصاحب منحشاي
حشاك مـــن الزلل دايم منحشاي
ترانه اثنينه انشيل الخــــــــطيه
[/color]
موضوع: فناجين / ابوذيات 
السبت يوليو 25, 2009 11:21 am